(( كل يوم حكاية ))

01-24-2012, 02:30 AM

اقتباس:

المشاركة الأصلية كتبت بواسطة عصام ابو حجر


	قصة حقيقية عذاب فى عذاب 000000 شهرين فقط . شهرين كانو جنة وكنت اول مرة أحب فى حياتى . وياه ه ه ه من ده حب كان جميل قوى . وحلو قوى بجد والله العظيم بجد كنت عايش زى الملاك .. طاير فوق الدنيا كلها كان بيتهأيلى أو متخيل . أن مافيش حد زى فى الدنيا دى كلها وان انا الوحيد اللى سعيد وفرحان وكان عندى أستعداد ابيع عمرى وحياتى . فدءأ للى بحبها مرة واحدة بس شوفت الدموع فى عينها . الدنيا أسودت فى وجهى وكأنى الحياه أنتهت عند دموعها وكان عندى استعداد ابيع حياتى فدءا لدموعها وعرفت منها أن اخوها مزعلها عشت معاها شهرين فقط كل اللى حصل بينا هى لمسة اليد وأه من لمسة اليد دى كنت بحس وأنا ماسك ايدها أن الحياه بتتغير ولونها بيتغير . بحس ان الدنيا دى لونها وردى وجميلة من غير مبالغة فى الكلام معاها حسيت ان الدنيا هى الجنة . ومافيش جنة غيرها وكان مستحيل . حد يقدر يقنعنى ان فيه جنة غير جنة حبيبتى شهرين شهرين فقط راحو وخلصو فى ثوانى وبعدها العذاب 000000 لها بقية تابعو

نكمل الحكاية دى
000000


	فاجئة ومن غير مناسبة صحيت على أسود لحظة فى حياتى مع أنى كنت عارف . أن اللحظة دى جاية . بس كنت ناسيها خالص كنت عارف أنها هاترجع بلادها فى يوم من الايام لكن كنت هربان من اللحظة دى كان بيتهيألى أن اللحظة دى مش هاتيجى أبدا لكن للاسف جت بأسرع ماكنت أتصور لحظة الوداع لحظة الفراق هى . دموعها نزلت وأنا تجمدت دموعى بين جفونى أيدها ماكنتش عايزة تسيب أيدى وأنا تهت بين الوحدة والضياع من غيرها وبعد سافرها بأسبوع . أرسلتلها خطاب . ماقدرتش امنع مشاعرى من الكلام وهو ده اللى كشف حبنا لآهلها وبالتالى أهلها رفضو هذه العلاقة . ورفضونى أنا شخصيا ومنعونى من الاتصال بها أو حتى بهم وبدأ طريق العذاب كان أكبر تمنياتى بعد اللى حصل ده هو الآطمئنان عليها لكن حتى ده . كان بعيد بعد السماء كان عمرها 14 عام . وانا عمرى 17 عام ومرت السنين وعلمت انها تزوجت هنا توقفت حياتى مات الانسان داخلى أصبحت مجرد خيال مأته لا وجود لى فى الحياه وحتى الان مازلت اعيش على مجرد ذكريات ذكريات فقط

01-24-2012, 02:30 AM

غلاسة أم غباء
---
مرة فى السعودية
كنت زهقان وأرفان ومش طايق الدنيا
المشاكل حوطتنى من كل مكان بسبب العمل
أعمل أيه
فكرت فى مكان هادىء وفسيح وبعيد عن كل الناس
الصحراء
بعيد عن العمران
بعيد خالص . مش عايز اشوف حد غير الفراغ والرمال
ركبت السيكل
ودى الحاجة الوحيدة اللى كنت املكها هناك
دخلت الصحراء وفضلت ماشى حوالى ربع ساعة لحد ماالعمران أختفى
وأصبحت لوحدى
جلست على السيكل افكر فى مشاكلى
لاحظت سيارة قادمة من بعيد بسرعة رهيبة
والرمال حوليها عاملة ضباب كثيف
انتظرت برهة من الزمن ناظرا أليها
تأكد بعلم اليقين أنها متجها نحوى بنفس السرعة القصوى التى هى عليها
وأنا فى الصحراء . وين هاروح
هادنى تفكيرى على أن الجرى مالوش لازمة . ولابد من الانتظار
وفى اللحظة الحاسمة أتصرف وأنقذ نفسى
وفعلا تاكدت ان السيارة مستهدفانى ولا مفر منها
انتظرت حتى اقتربت وهى على نفس السرعة المجنونة
وفى اللحظة الحاسمة
وقبل حوالى 10 متر منى . تركت السيكل أمام السيارة وجريت
وبكدة أنقذت نفسى من الموت المحقق
لكن السيكل الله يرحمه
أدغدغ واتكسر
وتركته فى الصحراء ورحلت نادما على دخولى الصحراء
من كانو فى السيارة . وقد لاحظتهم ورأيتهم اثناء جرى من امام السيارة
كانو يضحكون ويقهقهون
هل هذا غباء
أم هى الغلاسة وقلة الادب
أبو حجر

04-24-2012, 03:06 PM

مش عارف فيه حكاوى كتير مقررة ليه

(( كل يوم حكاية ))

منتدى القصص والروايات